சிறுவயதில் எங்கேயோ எப்படியோ ஏற்பட்ட தாக்கம் “சாதிக்க வேண்டும்” என்ற எண்ணம் என் ஆழ்மனதில் வேரூன்றி விட்டிருந்தது. அதனால் நான் பட்ட கஷ்டங்கள் எத்தனை கட்டுரை எழுதி சொன்னாலும் மாளாது. ஆனால் இந்த கட்டுரை என் கதை மிகப்பெரிய சோகக்கதை என்று சொல்லி எல்லோரையும் சோகத்தை ஆழ்த்த வேண்டும் என்ற நோக்கத்தில் எழுதப்படவில்லை. மாறாக ஒவ்வொரு முடிவிலும் ஒவ்வொரு ஆரம்பம் எப்போதும் உண்டு என்று சொல்லி இதை வாசிக்கும் அனைவரையும் ஊக்கப்படுத்த வேண்டும் என்ற நோக்கத்தில் எழுதப்படுகிறது.